Пресс-клиппинг печатных СМИ о культуре Чувашии 8 августа 2009 г.
Канаш районĕнчи Ївăспÿрт Кипеч ялĕнче çуралса ÿснĕ (хальхи вăхăтра Кăнтăр Уралăн тĕп хулинче пурăнакан), Раççей Федерацийĕн культурăн тава тивĕçлĕ ĕçченĕ, тĕнчипе паллă фотоÿнерçĕ С. Г. Васильев отпуск кунĕсене çулленех Чăваш Енре ирттерет. Хальхинче вăл «Чувашия» санаторире канчĕ. Республикăри фотожурналистсен секцийĕн ертÿçи, ЧР культурăн тава тивĕçлĕ ĕçченĕ С. Игнатьев пуçарнипе С. Васильев кунти массăлла информаци хатĕрĕсенче ĕçлекенсем валли мастер-класс ирттерчĕ. Çак кунхинех санаторире С. Васильевăн Челябинскра пичетленнĕ «Вечная тема» тата «Отчий дом» фотоальбомĕсен презентацийĕ иртрĕ.
(Сидоров, П. Пурнăç илемне туякан ăста / Петр Сидоров // Хыпар. – 2009. – 8 çурла. – С. 9).
Чăваш патшалăх академии юрăпа ташă ансамблĕ çĕнĕ сезона Сири Араб Республикинче иртекен концертпа уçнă. Унта ушкăн асăннă çĕршыв культура министрĕ Др. Рияд Нахссан Ага чĕннипе халăхсен хушшинчи XXI фольклор фестивальне хутшăнать. Уяв çурла уйăхĕн 7-16-мĕшĕсенче Босра хулинче иртет.
(Краснова, Т. Чăваш артисчĕсем – Сирире / Т. Краснова // Хыпар. – 2009. – 8 çурла. – С. 9).
Чăваш Республикин патшалăх пичет архивĕн фондĕнче 18-мĕш ĕмĕртен пуçласа паянхи кунччен пичетленнĕ документсем упранаççĕ. Вĕсен шучĕ 770 пин экземпляртан та иртет. Уйрăмах 1917 çулччен пичетленсе тухнă кĕнекесем пысăк вырăн йышăнаççĕ. Вĕсенчен чи хакли – чăваш чĕлхин пĕрремĕш грамматики «Сочинения, принадлежащие к грамматике чувашского языка». Кăçал çак кĕнеке кун çути курнăранпа 240 çул çитрĕ.
(Арланова, Е. Чăваш халăхĕн ылтăн кĕнеки / Е. Арланова // Чăваш хĕрарăмĕ. – 2009. – 8-14 çурлах. – С. 5).
По приглашению министра культуры Сирии Чувашский государственный академический ансамбль песни и танца в составе 35 человек принимает участие в 21-м Международном фольклорном фестивале в городе Босре.
[По приглашению министра культуры Сирии…] // Совет. Чувашия. – 2009. – 8 августа. – С. 1. – (Только факты).
Архив пресс-клиппинга
| 
