Ильин, В. Ардалион Игнатьев незабываемый
А.В.Игнатьев 1930 çулхи чÿк уйăхĕн 24–мĕшĕнче Eлчĕк районĕнчи Ĕнел ялĕнче çуралнă. Çăмăл атлетика енĕпе СССР тава тивĕçлĕ спорт мастерĕ, XVI Олимп вăййисен бронза призерĕ, Eвропа чемпионĕ, континент рекордне çĕнетекенĕ, 200, 400 тата 4 X 400 метрла эстафета чупăвĕсенче СССР 15 хут чемпионĕ. Çак дистанцисенчех СССР рекордне 16 хут çĕнетнĕ. Спортри пысăк çитĕн-семшĕн ăна «Ĕçлĕх Хĕрлĕ Ялав», «Хисеп палли» орденсемпе наградăланă. ЧР физкультурăпа спортăн тава тивĕçлĕ ĕçченĕ. 1952 çулта XV Олимп ваййисене /Хельсинки/ хутшăнса Чăваш Республикин пĕрремĕш олимпиецĕ пулса тăнă. Унта СССР виçĕ рекордне çĕнетнĕ. 1954 çулта Берн хулинче /Швейцари/ Çăмăл атлетика енĕпе Eвропа чемпионачĕ иртнĕ. Унта Ардалион Игнатьев 400 метр чупса – ылтăн, 200 метр чупса кĕмĕл медальсем çĕнсе илнĕ. 1956 çулта Мельбрунра /Австрали/ иртнĕ XVI Олимп ваййисенче вал 400 метрла дистанцире бронза медаль илме тивĕç пулнă. Çапла вара вăл ун чухне спорт биографине Олимп медальне çĕнсе илнĕ пĕрремĕш спортсмен пулнипе çырăнса юлнă.
Ильин, В. Ардалион Игнатьев манăçмĕ / В. Ильин // Хыпар. – 2003. – 30 юпа.
|
