Геннадий Никандрович Волков (Кашкãр Хуначи) (1927)
Геннадий Никандрович Волков (Кашкãр Хуначи) - Раççей Вěрентỳ академийěн членě. Вãл 1927 çулхи юпа уйãхěн 31-мěшěнче Аслã Елчěкре çуралнã. 1935 - 1945 çç. ялти тата Елчěкри шкулсенче вěренет. Тãван çěршывãн Аслã вãрçи тапхãрěнче (1943 - 1945) - Ленин ячěллě колхозри уй-хир бригадин бригадирěн пулãшаканě, машинãпа трактор бригадин бригадирě. 1945 - 1949 çç. Чãваш патшалãх педагогика институчěн физикãпа математика факультетěнче, 1949 - 1952 çç. Хусанти педагогика институчě çумěнчи аспирантурãра пěлěвне ỳстерет.
Г. Волков 1950 - 1954 çç. Хусанта арçынсен çичě çул вěренмелли шкулěнче физик, Чãваш патшалãх педагогика институчěн педагогика кафедринче аслã преподаватель пулса ěçлет. 1954 - 1957 çç. - институт доценчĕ, аслã наука сотрудникě, 1967 - 1971 çç. - наука ěçěсен проректорě.
Профессор каярахпа РСФСР çутěç министерствин Наукãпа тěпчев институчěн педагогика секторěн пуçлãхěнче, Эрфуртри (ГДР) Теодор Нойбауэр ячěллě аслã шкулта (1979 - 1982) педагогикãпа психологи секцийěнче тãрãшать. 1984 - 1991 çç. Мускаври наци шкулěсен тěпчев институчěн, 1992 çултанпа Раççейри Вěрентỳ академийěн этнопедагогика лабораторийěсене ертсе пырать.
Г. Волков - РСФСР Педагогика обществин чãваш уйрãмěн Президиумěн членě (1961 - 1973), педагогика ãслãлãхěсен докторě (1967), Аслã аттестаци комиссийěн РСФСР çыравçисен пěрлешěвěн членě (1982), Диссертаци канашěн членě.
Унãн çакãн пек наградãсем тата хисеплě ятсем: Ушинский ячěллě преми лауреачě (1967), ГФСР çут ěç отличникě» (1967), «Ěçри хастарлãхшãн» медаль (1970), ВЛКСМ Тěп комитечěн Хисеп грамоти Я. А. Коменский ячěллě музейãн асãну медалě. К. Д. Ушинский медалě (1977), ЧАССР Аслã Канашěн Президиумěн Хисеп грамоти (1977), Эрфурт университетěнчи Гердерãн ылтãн медалě (1982), Эрфурт университечěн хисеплě докторě (1984), ЧАССР тава тивěçлě учителě (1987), Саха (Якути) Республикин - тивěçлě учителě, Кãркãсстан çут ěç отличникě, Н. К. Крупская медалě, «Чãваш Республикин Хисеплě гражданинě» (1997).
Г. Волковãн пěрремěш хайлавě («Манãн асанне») 1946 çулхи кãрлачãн 12-мěшěнче «Чãваш коммуни» хаçатра пичетленнě. Халě вãл - çěршер-çěршер статья авторě. «…»
Малышкин, Н. Волков Геннадий Никандрович // Малышкин Н. Елчěк енěн пултарулãх çыннисем. - Çěрпỳ, 2000. - С. 14-16.
| 
